Ukrayna lideri Volodimir Zelenski Davosda keçirilən Dünya İqtisadi Forumunda Çinin Baş naziri Li Çianla görüşmək fikrində olmadığını bildirib. Zelenski bunu qarşı tərəfin onun səviyyəsinə uyğun olmaması ilə izah edib.

Qaziler.az bildirir ki, “Strana.ua” Çinin Ukrayna ilə görüşdən imtina etməsi ilə bağlı “Politico” nəşrinin xəbərini belə şərh edib.

Onun sözlərinə görə, lazım gələrsə, Ukraynanın baş naziri Çinin baş naziri ilə görüşəcək. Zelenski qeyd edib ki, Çin lideri Si Cinpinlə görüşməkdən şad olardı.

“Bildiyim qədər, Si Cinpin qərarlar verir, Ukraynada isə mən qərar verirəm. Mənə heç bir dialoq lazım deyil, bu qərarları qəbul edən liderlərin mühüm qərarlarına ehtiyacım var”, - deyə Zelenski bildirib.

Qeyd edək ki, “Politico” nəşri yüksək rütbəli ABŞ rəsmisinə istinadən yazıb ki, Pekin nümayəndə heyətləri İsveçrədə forumda olarkən Kiyevin görüş tələbini rədd edib.

QAZİLER.AZ