Generalın şəhid olduğu qəzanın səbəbi AÇIQLANDI backend

Generalın şəhid olduğu qəzanın səbəbi AÇIQLANDI

Türkiyə Milli Müdafiə Nazirliyi Bitlis əyalətinin Tatvan rayonunda biri general olmaqla 11 hərbçinin şəhid olduğu helikopter qəzasının başvermə səbəblərini özündə əks etdirən ilkin hesabatı açıqlayıb.

Qazilər.az xəbər verir ki, hesabata görə, qəzaya helikopterdəki nasazlıq yox, qəflətən görmə qabiliyyətinin itirilməsi ilə nəticələnən pis hava şəraiti səbəb olub.

"Saat 14:30-dan etibarən helikopter qəfil hava dəyişikliyi və mənfi hava şərtləri ilə qarşılaşıb və buluda daxil olub. Bu səbəbdən pilotlar geri qayıtmağa qərara veriblər. Ancaq təəssüf ki, saat 14:41-də qəzanın baş verdiyi qiymətləndirilir. Hadisənin baş verməsinə helikopterdə hansısa nasazlıq səbəb olmayıb, vertolyotun texniki baxış işləri mövcud qanunvericiliyə uyğun olaraq vaxtında və uyğun şəkildə aparılıb, onun üçün hava şəraitindən başqa heç bir xarici təsir olmur. Qəza uçuşun son mərhələsində hava şəraitinin qəfil dəyişməsindən qaynaqlanan mənfi hava şərtləri səbəbindən olub", - Türkiyə MN-nin hesabatında qeyd edilib.

Xatırladaq ki, hərbi helikopter martın 4-də qəzaya uğrayıb.

Publika.az