ABŞ tarixində ilk dəfə yerli sakinlər olan hinduların nümayəndəsi, 60 yaşlı Deb Halland daxili işlər naziri ola bilər.

“Report” “dw”yə istinadən xəbər verir ki, ABŞ-ın yeni seçilən prezidenti Cozef Bayden onun adını bu vəzifəyə namizədlər arasında çəkib.

Deb Halland hinduların Laqun Pueblo qəbiləsindəndir. Onun namizədliyini ABŞ Senatı təsdiqləməlidir. O, ABŞ-ın yerli xalqlarının problemləri ilə məşğul olur. 2011-ci ilin məlumatına əsasən, ABŞ-da 3 milyondan çox hindu, 562 qəbilə yaşayır.

D.Halland dekabrın 17-də tvitter hesabında ABŞ prezidenti Donald Trampı prezidentliyi dövründə hindulara verdiyi vədləri yerinə yetirməməkdə ittiham edib.