“Tac Mahal”dakı bütün girovlar azad edildi. Hindistan polisi terrorçuların “Tac Mahal” mehmanxanasında ələ keçirdikləri bütün girovları azad edib. Lent.az verdiyi məlumata görə, hazırda polis mehmanxanada axtarış aparmaqla məşğuldur.

Bəzi məlumatlara görə, mehmanxanada 40 nəfərin cəsədi tapılıb. Xüsusi əməliyyat zamanı 4 terrorçu məhv edilib. Qeyd edək ki, Hindistan hökuməti terrorçularla danışıq aparmaqdan imtina edib.

Mumbaidəki “Nəriman” yaşayış kompleksində isə terrorçular girovları əllərində saxlamaqda davam edirlər. Bəzi məlumatlara görə, qısa atışma zamanı xüsusi təyinatlı qüvvələr terrorçulardan birini məhv ediblər. Buna baxmayaraq binada hələ də 6 terrorçu qalır. Girovların sayı isə məlum deyil. Yaxınlıqdakı binalarda yaşayan insanlar evakuasiya edilir.