Bu gəmilər hazır olduqdan sonra Türkiyə donanması daha da güclənəcək.

Axar.az xəbər verir ki, bunu Türkiyə Administrasiyasının Müdafiə sənayesi şöbəsinin rəhbəri İsmayıl Dəmir deyib.

O bildirib ki, hazırda gəmiqayırma zavodlarında inşası davam edən mühüm gəmilər var:

“Bir tərəfdən sualtı qayığımız hazırlanır, digər tərəfdən də “Anadolu” tipli gəmimizdə işlər yekunlaşmaq üzrədir. MİLGEM-in yeni versiyası olan “İ” sinfli freqat layihələri də davam etdirilir. Hətta torpedo tiplərində yeni qayıqlarımız da istehsal olunur. Bütün bunlar hazır olduqdan sonra Türkiyənin dənizdəki gücü artacaq”.