Argentinanın Santa-Fe əyalətində geniş ərazidə alovu söndürmüş yanğınsöndürənlər qəribə hadisə ilə rastlaşıblar.

Bu barədə “Report” “Daily Star”a istinadən xəbər verir.

Yanğınsöndürən qrupunun rəhbəri German Çekki bildirib ki, yanğınsöndürmə briqadası fermerlərin yanan otlaqlarını söndürməyə gedib. Alov əraziyə çox sürətlə yayılıb, buna görə də evlərin və meşənin alışması təhlükəsi yaranıb.

Yanğını söndürülməsi bir neçə saat davam edib. Sonda yanğınsöndürənlər görüblər ki, yanmış böyük sahənin arasında ölmüş qızın qəbrinin olduğu torpaq sahəsi toxunulmamış qalıb.

Alovun qəbirdən necə yan keçməsini nə yanğınsöndürənlər, nə də şahidlər izah edə biliblər.

"Mən dindar deyiləm, amma buna baxın: - ərazi tamamilə yanıb, lakin ziyarətgahın ətrafındakı hər şey bütövdür”, - Çekki qeyd edib.