İsrail Baş naziri Benyamin Netanyahu yeni hökuməti Knessetə təqdim edib.

Axar.az xəbər verir ki, Netanyahu təqdimatdan əvvəl Knesset qarşısında çıxış edib.

“Cəmiyyət vahid hökumət görmək istəyir”, - Netanyahu çıxışında bildirib.

Netanyahu bildirib ki, əgər ölkə ardıcıl dördüncü dəfə seçkiyə getməyə məcbur qalsa, bu, əlavə 2 milyard şekelə başa gələcək.

Qeyd edək ki, Netanyahu çıxış üçün tribunaya qalxarkən mikrofonu salfetlə silib. Hökumət üzvləri isə iclasa maska ilə gəliblər.

***

İsrail Knesseti (parlament) yeni hökumətin tərkibini təsdiqləyib.

Belə ki, rotasiyaya qədər hökumətin başçısı Benyamin Netanyahu, ondan sonra isə “Kaxol-Lavan” alyansının sədri Beni Qans olacaq.

Qeyd edək ki, rotasiya 2021-ci ilin 17 noyabrında baş tutacaq.