Tiflisdəki dağıdıcı daşqınlar nəticəsində ölənlərin sayı 19 nəfərə çatıb. QAZİLER.AZ APA TV-yə istinadla bildirir ki, bu barədə məlumatı Gürcüstanın Dövlət təhlükəsizliyi və böhranların idarə edilməsi Şurası yayıb. Son məlumata görə, ölənlərdən 17-nin şəxsiyyəti dəqiqləşib, 2 qurbanın tanınması prosesi davam edir. Son saatlar ərzində zooparkın yaxınlığında yerləşən "Mziuri" parkında aparılan təmizləmə işləri zamanı dörd cəsəd aşkarlanıb.
Dünən Tiflisdə yenə yağış yağıb, güclü külək əsib. Bu səbəbdən Gürcüstan paytaxtındakı təmizləmə və bərpa işləri yarımçıq dayandırılıb. Təbii fəlakətin nəticələrinin aradan qaldırılması tədbirləri bu gün səhər yenidən bərpa ediləcək.
Gürcüstan hökumətinin yaydığı rəsmi məlumata görə, daşqınlar nəticəsində 300 nəfər evsiz qalıb, 6 nəfər itkin düşüb.
