Məşhur hindli aktyor Amir Xanın yoxsul ailələrə qeyri-adi üsulda etdiyi yardım dünya mediasının gündəminə çevrilib.

Kult.az xəbər verir ki, aktyor ehtiyacı olan şəxslərə 1 kq un paylayacağını bəyan edib. Lakin yardımı az görən əksər insanlar bununla maraqlanmayıb.

Yalnız çox ehtiyacı olan yoxsullar təyin olunan məntəqəyə gələrək 1 kq miqdarında unu götürüblər.

Maraqlısı da elə bundan sonra baş verib. Yardımı evlərinə aparan şəxslər bağlamanı açanda unun içərisinə 15 min rupinin (təxminən 340 manat) qoyulduğunu görüblər.

Aktyorun nə üçün məhz belə bir üsula əl atdığı sonradan bəlli olur. O, izahında bununla yardımın həqiqətən də ehtiyacı olan şəxslərə çatdığını açıqlayıb.