İranda koronavirusa qarşı mübarizə tədbirləri çərçivəsində bağlanan park və bağçalar 1 aydan sonra yenidən açılır.
“Report” IRNA-ya istinadən xəbər verir ki, parklar ilkin olaraq paytaxt Tehranda açılılıb.“Koronavirus artıq azalmağa doğru gedir. Bu da görülən tədbirlərin önəmi və xalqın həmrəyliyinin göstəricisidir”, - daxili işlər nazirinin müavini Hüseyn Zülfiqari bildirib.
Qeyd edək ki, rəsmi məlumata görə, İranda indiyədək koronavirusa yoluxanların sayı 86 minə yaxınlaşıb. Bunlardan 63 113 nəfər virusdan sağalsa da, 5 391 nəfər ölüb.
