Britaniyanın baş naziri Boris Conson koronavirus infeksiyası ilə əlaqədar analiz vermək üçün xəstəxanaya yerləşdirilib.
Trend-in məlumatına görə, bu barədə "Sky News" telekanalı xəbər yayıb."Baş nazir həkimlərin məsləhəti ilə xəstəxanaya aparılıb. Onun səhhətində COVID-19 infeksiyası aşkarlanandan 10 gün sonra problemlər qalmaqdadır", - məlumatda deyilir.
B.Conson koronavirusa martın 27-də yoluxub və hazırda ölkəyə rəhbərlik etməyə davam edir.
Onun işləyə bilməyəcəyi təqdirdə bu vəzifənin icrası xarici işlər naziri Dominik Raaba verilməlidir.
