NASA, 11 apreldə Yer kürəsindən keçəcək asteroidin təhlükəli olduğunu təsdiqləyib.

İndiki zamanda, koronavirusun dünyanı təhdid etdiyi bir dövrdə yeni bir təhlükə ilə üzləşə bilərik.

Qaziler.az Türkiyə mətbuatına istinadən bildirir ki, NASA-nın səma cisimlərinin orbitlərini təsbit edən qurumu - Obyekt Araşdırma Mərkəzi (CNEOS) nəhəng bir asteroidin Yerə doğru sürətlə gəldiyini və gələn həftə orbitə girə biləcəyinin gözləndiyini bildirib.

NASA-nın inkişaf etmiş asteroid izləmə sistemi, bu ay Yer orbitinə girməsi gözlənilən göydələn ölçülü asteroidin fəlakətə səbəb ola biləcək, kifayət qədər sürətli hərəkət etdiyini qeyd edib.

Rekord sürətlə Yer kürəsinə yaxınlaşır

363599 (2004 FG11) adlanan 380 metrlik nəhəng asteroidin inanılmaz sürətlə 88 min kilometrə yaxınlaşdığı bildirilir. Mütəxəssislər bu sürətin Yer kürəsini fəlakətə sürükləmək üçün kifayət edəcəyini söyləyirlər.

NASA: potensial olaraq çox təhlükəlidir

Nəhəng asterot NASA tərəfindən Apollo asteroidi olaraq təsnif edilmişdir. Bu, göy cisminin Yer orbitindən keçəcəyi anlamına gəlir.

NASA açıqlamasında, "Potensial təhlükəli asteroidlər Yerə təhlükə yaradan yaxınlaşma potensialını ölçən parametrlərlə təyin olunur" deyə bildirilib. "Ölçmələrimizə görə, Yerə yaxınlaşan asteroid də potensial təhlükə sinifindəndir".

Yerə düşərsə dağıntılara səbəb ola bilər
Asteroidin ölçüsünü və sürətini nəzərə alaraq, planetimizlə toqquşacağı təqdirdə Yer kürəsində böyük dağıntılara səbəb ola biləcəyi deyilir.



11 apreldə Yer kürəsinin yaxınlığından keçəcək

Sözügedən astroid 11 aprel 2020-ci il tarixində Bakı vaxti ilə 21: 00-da Yer kürəsinin yaxınından keçəcək. NASA, asteroidin Yerə yaxınlaşacağını, lakin planetimizə dəyməyəcəyi proqnozunu verib.

Qaziler.az