Xorvatiyanın Zaqreb şəhəri yaxınlığında baş verən zəlzələdən sonra mövcud vəziyyəti özündə əks etdirən videogörüntülər yayımlanıb.
“Report” “RİA Novosti”yə istinadən xəbər verir ki, zəlzələ nəticəsində binaların fasadlarının çərçivələri insanların istifadə etdiyi səkinin kənarına düşüb.Bir çox daş parçaları avtomobillərin üzərinə düşərək nəqliyyat vasitələrini yararsız hala salıb. Görüntülərdən bəlli olur ki, son 140 il ərzində baş verən güclü zəlzələ şəhərə ciddi ziyan vurub.
Qeyd edək ki, Xorvatiyanın paytaxtı Zaqreb yaxınlığında 5,3 maqnituda gücündə zəlzələ baş verib. Hadisə zamanı Zaqreb şəhərində dağılmış binanın dağıntıları altından bir uşağın meyiti aşkarlanıb.
