Əgər İran İslam İnqilabı Keşikçiləri Korpusunun Qüds briqadasının yeni komandanı İsmayıl Kaani amerikalıları öldürsə, onu sələfi general Qasım Süleymaninin taleyi gözləyir.
Axar.az xəbər verir ki, bunu ABŞ-ın İran üzrə xüsusi nümayəndəsi Brayan Huk deyib.“Əgər Kaani amerikalıları öldürməyə davam etsə, onu eyni tale gözləyir. Prezident Tramp bir neçə il əvvəl izah edib ki, amerikalılar və ya ABŞ-ın maraqlarına istənilən hücuma qəti cavab veriləcək. Prezident bunu nümayiş etdirib. ABŞ İran xalqını dəstəkləməyə davam edəcək. İran xalqı ölkədəki mövcud rejimdən əziyyət çəkir”, – deyə o bildirib.
