Misirin Sinay yarımadasınada ordu tərəfindən genişmiqyaslı hərbi əməliyyat həyata keçirilib.

"Aljazeera" telekanalının verdiyi məlumata görə, Misirin təhlükəsizlik xidməti əməliyyat nəticəsində radikal qruplaşmanın 47 döyüşçüsünün öldürüldüyü məlumatını verib.

Onlar qırıcı təyyarələrin həyata keçirdiyi aviazərbələr nəticəsində zərərsizləşdiriliblər.

Sinay yarımadasında fəal olan radikal qruplaşma isə əməliyyat zamanı əsgərlərə əks-hücumlar nəticəsində Misir ordusunun da 30-dan çox əsgərini itirdiyini iddia edib.
Mənbə: ANSPRESS