Dünyada mobil qoşulmaların sayının 7,2 milyard təşkil edib və bununla mobil rabitənin nüfuzetmə səviyyəsi 99 faizə çatıb. Yer kürəsi əhalisinin sayı isə 7,3 milyard nəfərə bərabərdir.

İKT.lent.az-ın "Lenta”ya istinadən xəbərinə görə, bu barədə İsveçin “Ericsson” şirkətinin 2015-ci ilin birinci rübünə həsr edilən “Mobility Report” hesabatında bildirilir.

Şirkətin nümayəndələri Moskvada keçirilən mətbuat konfransında bildiriblər ki, dünyada real abunəçilərin sayı təxminən iki dəfə azdır (4,9 milyard). Bu, bir nəfərin bir neçə SİM kartdan istifadə edə bilməsi ilə izah edilir.

Cari ilin birinci rübündə yeni qoşulmaların sayı 108 milyon olub. Qoşulmaların sayına görə lider Hindistandır (+26 milyon). Sonrakı yerlərdə Çin (+10 milyon), Myanma (+5 milyon), İndoneziya (+4 milyon) və Yaponiya (+4 milyon) qərarlaşıb.