ABŞ-ın sabiq prezidenti kiçik Ceyms Erl Karter Corciya ştatındakı evində yıxılaraq çanaq sümüyünü sındırdığına görə xəstəxanaya yerləşdirilib

Qaziler.az bildirir ki, bu barədə CNN telekanalı məlumat verib.

Karterin nümayəndəsinin jurnalistlərə bildirdiyinə görə, ABŞ-ın 95 yaşlı keçmiş dövlət başçısı yaxşı əhval-ruhiyyədədir və evə qayıtmağını səbirsizliklə gözləyir.

Amerika prezidentləri arasında ən uzunömürlü olan Karter il ərzində ikinci dəfədir ki, bu vəziyyətə düşür: bu ilin may ayında o bud sümüyünün sınığı ilə xəstəxanaya yerləşdirilmişdi.

1977-ci ildən 1981-ci ilə qədər Amerika prezidenti postunu tutan və sayca ölkənin 39-cu ölkə başçısı olan Karter bir neçə il beyin xərçəngindən uğurla nəticələnən müalicə alıb.