Çin hökuməti Tibetin dini lideri Dalay - lamanın xarici ölkə liderləri ilə görüşməyinə etiraz edib.

Qazilər.az saytı BBC-ə istinadən xəbər verir ki, bu barədə Çinin xarici işlər naziri bəyanatla çıxış edib. Bu bəyanat Vaşinqtonda ABŞ prezidenti Barak Obama ilə Dalay - lamanın da iştirak etdiyi duadan sonrakı səhər yeməyindən bir gün sonra verilib.

Həmin vaxt Barak Obama Tibet buddistlərinin liderini səmimi salamlayıb, lakin onlar şəxsən görüşməyiblər.

Çinin xarici işlər naziri Xun Ley gündəlik keçirdiyi brifinqdə onu da bildirib ki, başqa ölkələrin Çinin işlərinə qarışmağının əleyhinədirlər.