Hindistanda anomal istilər nəticəsində ölənlərin sayı 1200-ü ötüb. QAZİLER.AZ Vesti.ru-ya istinadla xəbər verir ki, istiliyin 50 dərəcəyə yüksəldiyi ölkədə dövlət rəsmiləri xalqa müraciət edərək evdən çölə çıxmamağı məsləhət görüb.
Ölüm hadisəsi daha çox ölkənin cənubdakı Telanqana və Andra Pradeş əyalətlərində qeydə alınıb. Bir həftə ərzində sözügedən bölgələrdə 1118 insan həyatını itirib. Qərbi Benqal və Orissada isə bir həftə ərzində 24 sakin anomal istilərin qurbanı olub.“Frans Press” agentliyinin məlumatına görə, isti hava şəraiti hələ bir müddət davam edəcək. İsti hava dalğasından ən çox əziyyət çəkən bölgələrdə musson yağışları gözlənilsə də, öncə quraqlıq yaşanacağı deyilir.
