İsrail İranın harada, nə etdiyini yaxşı bilir və bütün vasitələrlə onun aqressiv planlarına qarşı çıxacaq.

Axar.az xəbər verir ki, bu sözləri İsrailin Baş naziri Benyamin Netanyahu deyib.

“Bu gün İranda İslam İnqilabının 40 illiyi qeyd olunur və yeni raketlə lovğalanmağa çalışırlar. İranda İsrail dövlətini məhv etmək niyyətini açıq şəkildə elan edirlər. Mənim Tehranın tiranlarına açıq bir mesajım var. Biz sizin nəyi harada etdiyinizi bilirik. Biz İsrailin təhlükəsizliyini və gələcəyini təmin etmək üçün İrana qarşı bütün vasitələrlə fəaliyyət göstərməyə davam edəcəyik”, - Netanyahu bildirib.