Rusiya prezidenti Vladimir Putin Moskvada səfərdə olan Ermənistan baş naziri vəzifəsinin icraçısı Nikol Paşinyanla görüşündə onu parlament seçkilərində qələbə qazanması münasibətilə təbrik edib.
Azvision.az erməni KİV-lərinə istinadən xəbər verir ki, Putin gec olsa da, Paşinyana təbriklərini çatdırıb, fəaliyyətində uğurlar arzulayıb.Qeyd edək ki, "Mənim addımım" bloku dekabrın 9-da Ermənistanda keçirilən növbədənkənar parlament seçkilərində qalib gəlsə də, Putin bu münasibətlə Paşinyanı təbrik etməmişdi. Bəzi xarici KİV-lər bunu Rusiyanın Ermənistanın yeni hakimiyyətini dəstəkləməməsi kimi qələmə verirdi.
