Beynəlxalq bankin keçmiş sədri Cahangir Hacıyevin həyat yoldaşı Zamirə Hacıyevanın Britaniyadan Azərbaycana ekstradisiya edilməsi müzakirə olunur.

O, Britaniyada ilk dəfə tətbiq edilən "İzahedilməz sərvət sərəncamı" (UWO) çərçivəsində həbs olunub.

Bu sərəncama əsasən o, var-dövlətini hansı mənbədən əldə etdiyini açıqlamalıdır.

Bu sərəncam Britaniyada potensial çirkli pullara sahib olan şübhəli korrupsioner xarici rəsmiləri hədəfləmək üçün yeni qanundur.

Onun həbsi Azərbaycanda hakimiyyətin Zamirə Hacıyevanın Bakıya ekstradisiyası barədə xahişi ilə bağlıdır.