Rusiya prezidenti Vladimir Putinlə Ermənistanın baş naziri Nikol Paşinyanın görüşü 8 sentyabrda baş tutacaq.
AzVision.az “İzvestiya” qəzetinə istinadən xəbər verir ki, bu barədə Kremlin sözçüsü Dmitri Peskov bildirib.Qeyd olunub ki, Ermənistanda hakimiyyət dəyişikliyi baş verdikdən sonra bu, Putinlə Paşinyanın sayca 3-cü görüşü olacaq.
Bundan əvvəl Rusiya və Ermənistan liderləri 14 mayda Avrasiya İqtisadi İttifaqının Soçidə keçirilən sammiti çərçivəsində və 13 iyunda futbol üzrə dünya çempionatının açılışında görüşüblər.
