Türk ordusu Afrindən sonra Qəndildə PKK-nın kökünü qazacaq.

Qaziler.az Türkiyə mətbuatına istinadən bildirir ki, terror təşkilatına qarşı əməliyyata başlayan Türk Silahlı Qüvvələri Suriyadan sonra İraqda PKK-çıları sıxışdırmaqdadır.

Türk əsgəri tərəfindən Qəndildə keçirilməsi nəzərdə tutulan əməliyyatın bəzi təfərruatları məlum olub.

Kiçik hərbi birləşmələrlə irəliləyən türk əsgərinin Qəndildə keçirəcəyi əməliyyatlara 2-ci Ordu komandiri, general-polkovnik İsmayıl Metin Temel rəhbərlik edəcək.

Xatırladaq ki, Temel Paşa CHP-dən prezidentliyə namizəd Məhərrəm İncənin hədəfinə çevrilmişdi. Belə ki, İncə vəzifəyə gələcəyi təqdirdə Temel Paşanın "paqonlarını" sökəcəyini söyləyirdi.