SSRİ-ni dağıtmış son lideri Mixail Qorbaçov Moskvaya Qələbə paradına glmək istəməyən Qərb liderlərini, o cümlədən ABŞ prezidenti Barak Obamanı sərt tənqid edib. ANS PRESS-in məlumatına görə, vaxtilə Qərblə əməkdaşlığa cəhd etmiş, nəticədə sovet sistemini məhv etmiş Mixayıl Qorbaçovun fikrincə, bir sıra Qərb ölkələrinin liderlərinin Qələbənin 70 illiyi münasibəti ilə Rusiya paytaxtına gəlməkdən imtina etməsi SSRİ xalqlarına hörmətsizlikdir.

“Bu, “qəhvəyi taun”la mübarizədə böyük itkilər vermiş xalqlara və böyük igidlik göstərmiş insanların sərhədsiz igidliyinə hörmətsizlikdir”, - deyə keçmiş sovet lideri vurğulayıb.

Daha öncə yayılmış xəbərə görə, Moskvadakı Qələbə paradında ABŞ-ı Amerikanın Rusiyadakı səfiri Con Tefft təmsil edəcək. Rusiyanın Avropa Birliyindəki daimi təmsilçisi Vladimir Çijovun sözlərinə görə, Moskavda Qələbənin 70 illiyi ilə bağlı keçirilən tədbirlərə dünyanın 20 dövlət başçısı qatılacaq.