Türkiyənin Ruiyadan S-400 zenit-raket kompleksləri alması öz-özlüyündə problem təşkil edir.

Avropa.info xəbər verir ki, bu açıqlama ilə ABŞ-ın NATO üzrə daimi təmsilçisi Key Beyli Hatçison çıxış edib.

“Bu NATO-da təşviş yaratdı, belə ki, bu sistemlər alyansın istifadə etdiyi sistemlərlə uyğunluq təşkil etmir” – o, “Washington Post” qəzetinə müsahibəsində belə deyib.

Hatçison Türkiyənin ABŞ üçün əsas tərəfdaş olduğunu və Vaşinqtonun Ankara ilə əməkdaşlıqda maraqlı olduğunu bir neçə dəfə qeyd edib. Lakin o, ABŞ-ın Türkiyənin Rusiya ilə yaxınlaşmasını istəmədiyini bildirib:

“Bu bizim maraqlarımıza uyğun deyil. Həmçinin Türkiyənin maraqlarında deyil” – Hatçison belə deyib.

Xatırladaq ki, Türkiyə Rusiyadan S-400 raketlərinin alınması ilə bağlı müqaviləni imzalayıb və ilkin ödənişi də edib.