Almaniyanın Koblans şəhərində İkinci Dünya müharibəsindən qalan partlamamış hərbi sursatın zərərsizləşdirilməsi üçün tədbirlər görülür.
Qaziler.az AZƏRTAC-a istinadən xəbər verir ki, tikinti işləri aparılarkən aşkar olunmuş bombanın zərərsizləşdirilməsi ilə əlaqədar 21 min nəfərin təxliyə edilməsi gözlənilir. Təxliyənin radiusu 1 kilometr təşkil edəcək. Bununla əlaqədar, yaşayış binalarından əlavə, xəstəxana və həbsxanalar da boşaldılacaq.
Bombanın partladılması sentyabrın 2-nə nəzərdə tutulub.
