Arxeoloqlar Misirin cənubunda qazıntılar zamanı yaşı təxminən iki min il olan üç sərdaba aşkar ediblər.

Misirin Qədim Abidələr Ali Şurasının KİV-lərə verdiyi məlumata görə, sərdabalar Qahirədən cənubda - Əl-Minya əyalətinin Al-Kamil Saxaravi ərazisində yerləşən qəbiristanlıqda tapılıb.

Qaziler.az AZƏRTAC-a istinadən xəbər verir ki, sərdabaların içində bir neçə daş tabut, həmçinin gildən düzəldilmiş əşyaların qalıqları tapılıb. Arxeoloqların qayanı çaparaq çətinliklə daxil olduqları məqbərələrdən birində insan sifətinin forması təsvir edilən 4 daş tabut aşkar edilib. Başqa məqbərədə ekskavator 6 qəbir taxçasına sancılıb, onlardan birinin körpə uşaq qəbri olduğu ehtimal olunur. Sərdabalarda kişi, qadın və uşaq sümüklərinin qalıqları da tapılıb.

Məzarlığın tapıldığı yerdə ilk tədqiqatlara 2015-ci ildə başlanılıb. Alimlər məzarlığın əsası e.ə. 525-ci ildə qoyulan və yunan-Roma dövründə (e.ə. 332-ci ildən IV əsrədək) davam edən 27 sülaləyə aid olduğunu təxmin ediblər.