QAZİLER.AZ Evronyus-a istinadla bildirir ki, xilasedicilər bütün günü əməliyyat üzərində işləyirlər. Lakin sağ qalanları xilas etmək şansı –çox azdır. Fövqəladə hallar üzrə milli mərkəz cümə axşamı xəbər verir ki, zəlzələ nəticəsində ölənlərin sayı 5500 nəfərə çatıb, 11 min insan isə yaralanıb.

Bu ərəfədə Nepalın baş nazirinin müavini Bam Dev Qautam 6000-dən çox insanın həlak olduğunu bildirib. Nepalın baş naziri Suşil Koirala qeyd edib ki, qurbanların sayı 10 min nəfəri keçə bilər, xilasedicilər hələ ki, qıraq rayonlara gedə bilmirlər.

BMT-nin məlumatına görə, 500 mindən çox nepallılar küçədə gecələməli olacaq. 4 milyondan çox insanın humanitar yardıma ehtiyacı var, 8 milyon nepallının həyatı isə zəlzələ nəticəsində alt-üst olub.

Ən çətin vəziyyət Nepalın dağlıq rayonlarında görünür. Xilasedicilər leysan yağışlarının altında vertolyotla xəsarət alanları köçürürlər. Bəzi qəsəbələrdə yardım indiyə qədər qəbul olunmayıb.