Yunanıstanın paytaxtı Afinada Miqrasiya Xidmətinin ofisi qarşısında etiraz aksiyası keçirilib.

AZƏRTAC xəbər verir ki, aksiyada suriyalı miqrantlar iştirak ediblər. Aksiya iştirakçıları Dublin Konvensiyasına uyğun olaraq ailələrin bir araya gəlməsi proqramında yol verilən ləngimələrə etiraz ediblər. Onlar ailələri ilə birləşmək üçün Almaniyaya köçmək istədiklərini bildirib, rəsmi Berlindən yardım istəyiblər. Miqrantlar “daha gözləmək istəmirik”, “sərhədlər ailələri dağıdır”, “yetərincə gözləmişik” kimi şüarlarlar səsləndiriblər.

BMT-nin hesabatına əsasən, Yunanıstanda qadın və uşaqlardan ibarət minlərlə miqrant ailələrinin birləşməsini gözləyir. Balkan marşrutunun bağlanması ilə əlaqədar 1 ildən artıqdır ki, 60 minə yaxın miqrant Yunanıstanı tərk edə bilmir.