İraqın paytaxtı Bağdadda baş verən üç partlayış nəticəsində 20 nəfər ölüb. APA-nın Associated Press agentliyinə istinadən verdiyi xəbərə görə, partlayışlardan ən güclüsü şəhərin qərb hissəsində, ticarət məhəlləsində törədilib. Burada 10 nəfər ölüb, 20-dək avtomobil yanaraq külə dönüb.
Daha 7 nəfər ev alıq-satqısı agentliyinin yanında baş verən partlayışda, 3 nəfər isə minalanmış avtomobilin partladılması nəticəsində ölüb.Onlarla dinc sakinin yaralandığı bildirilir. Hələlik heç bir qruplaşma hadisəyə görə məsuliyyəti öz üzərinə götürməyib.
