Türkiyənin Hakkari bölgəsində PKK terrorçularının hücumu nəticəsində bir zabit həlak olub, 6 hərbçi yaralanıb.

Rəsmi məlumata görə, Hakkari-Çukurca yolunun Oğul kəndi yaxınlığında hərbi maşın terrorçular tərəfindən raketlə vurulub.

Hadisə yerinə əlavə hərbi qüvvə göndərildiyi bildirilir.

Bundan başqa, Şırnakın Uludərə rayonunda antiterror əməliyyatı keçirən təhlükəsizlik qüvvələri PKK terrorçularının hücumuna məruz qalıblar. Atışmada bir əsgər və iki kənd qarovulu yaralanıb.

Sabir Şahtaxtı

AZƏRTAC-ın xüsusi müxbiri

İstanbul