İranın paytaxtı Tehranda insanların üzərinə kimyəvi turşu atılıb.
APA-nın İranın Tasnim Agentliyinə istinadən verdiyi xəbərə görə, nəticədə 16 nəfər xəsarət alıb. Hadisəni törədən şəxsin tutulduğu, hücumun terror aktı olmadığı bildirilir.Hadisənin təfərrüatları hələlik açıqlanmayıb.
Qeyd edək ki, iyunun 7-də İran Milli Məclisində və İmam Xomeyni türbəsində törədilən terror hücumları nəticəsində 12 nəfər ölüb, 43 nəfər yaralanıb. Terrora görə məsuliyyəti İŞİD üzərinə götürüb.
