Honkonqda keçirilən "Sothebys" auksionunda Min sülaləsi dövrünə aid təqribən 600 il yaşlı olan ağ-mavi rəngli Çin farforu cam 30 milyon dollara yaxın qiymətə satılıb.

Musavat.com xəbər verir ki, bu barədə məlumat "South China Morning Post"-da yer alıb. Məlumata görə, bu məbləğ o dövrün farforuna verilən ikinci ən böyük məbləğdir. Bildirilir ki, auksionda satış aprelin 5-də keçirilib və cəmi 12 dəqiqə davam edib. Alıcı anonim qalmağını istəyib və onun Tayvandan olduğu güman edilir. Qeyd edirlir ki, camın üzərində göldə üzən balıqlar əks olunub. Bu, Çini 1425-1435 illərdə idarə edən imperator Syuandenin sevimli syujeti hesab olunur. Cam əvvəllər yaponiyalı kolleksionerə məxsus olub və heç vaxt auksiona çıxarılmayıb.