Yəmənin paytaxtı Sənadakı məhkəmə Prezident Abd Rabbo Mənsur Hadini dövlətə xəyanətdə ittiham edərək ölüm hökmünə məhkum edib.
Qaziler.az axar.az-a istinadən bildirir ki, Hadi ilə bərabər, hökumətin daha altı üzvü haqqında da anoloji qərar verilib. Ölüm hökmü çıxarılan şəxslər arasında Yəmənin ABŞ-dakı səfiri Əhməd Avad bin Mübarək və keçmiş xarici işlər naziri Riyad Yasin də olub.Qeyd edək ki, Yəməndə vətəndaş müharibəsi 2014-cü ildən bu yana davam edir. Hazırda ölkənin paytaxtı qiyamçı husilərin nəzarəti altındadır.
