Böyük Britaniyanın parlament binası yaxınlığında baş verən terror aktı nəticəsində ölənlərin sayı 4 nəfərə çatıb.

Trend-in "RİA Novosti" agentliyinə istinadən verdiyi məlumata görə, ölənlərin biri polisdir.

Bildirlir ki, hücum edən şəxs tək olub.

X X X

20:50

Londonda parlamentin önündə baş vermiş iki terror aktı nəticəsində ölənlərin sayı iki nəfərə çatıb. Bu barədə Trend "AP" agentliyinə istinadən xəbər verir.

X X X

20:28

Londonda parlamentin önündə baş vermiş atışma nəticəsində yaralanın biri dünyasını dəyişib.

Trend-in "BBC" agentliyinə istinadən verdiyinə görə, bu barədə London mərkəzi xəstəxanasının həkimi bildirib.

Onun sözlərinə görə, digər yaralıların vəziyyəti ağırdır.

X X X

19:43

Londonda atışma baş verən körpüdə naməlum şəxs piyadaların üzərinə avtomobili sürüb.

Trend-in "RİA Novosti" agentliyinə istinadən verdiyi məlumata görə, hadisə nəticəsində 5 nəfər yaralanıb.

Hücumun terror aktı olduğu istisna edilmir.

X X X

19:06

Böyük Britaniya parlamentinin önündə atışma olub.

Trend-in "Reuters" agentliyinə istinadən verdiyi məlumata görə, hadisə nəticəsində 12 nəfər yaralanıb.

Faktla bağlı araşdırılma aparılır.