Braziliyanın Sau-Paulu şəhərində 8 azarkeş öldürülüb.

Qol.Az-ın BBC-yə istinadən verdiyi məlumata görə, həmin azarkeşlər "Korintians" klubunun azarkeşləri olub.

Üç nəfər silahlı şəxs tərəfindən növbəti oyun üçün banner hazırlayan "Pavilhao Nove" adlı azarkeş qrupunun ofisinə basqın edilib. Silahlı şəxslər ofisdə olan hər kəsin əllərini başlarına qoyaraq yerə uzanmalarını istəyiblər. Daha sonra hər azarkeşin başına bir güllə vuran silahlı şəxslər hadisə yerindən uzaqlaşıblar.

Qeyd edək ki, polis hadisə ilə bağlı araşdırmalara başlayıb.