Türkiyə ordusuna məxsus böyük bir hərbi konvoy Kilisdən keçərək Suriya ərazisinə daxil olub.

Bu haqda Reuters agentliyi məlumat yayıb. Məlumata görə, Türkiyə ordusuna aid konvoy Suriyanın Çobanbəyi qəsəbəsində görüntülənib.

O da bildirilir ki, sərhəddən Suriyaya girib Əl Baba doğru irəliləyən böyük konvoyda, çoxlu sayda zirehli maşın var. Reuters türk qoşunlarının nəhəng konvoyla Suriya ərazisinə keçməsini İŞİD-ə qarşı keçrilən əməliyyatlardan sonra, PKK-nın Suriya qolu PYD-nin nəzarətində olan Mənbic şəhərinin azad edilməsi ilə bağlı olduğunu iddia edib.