Hollivud aktyoru Nikolas Keycin 26 yaşlı musiqiçi oğlu Veston Keyc həbs olunub.

Axşam.az-ın xarici KİV-ə istinadən məlumatına görə, Veston Los-Ancelesdə Los-Felis istiqamətində tutulub. Buna səbəb 26 yaşlı musiqiçinin ağ rəngli “Chevy Camaro” markalı avtomobilini idarə edərkən qarşıdakı maşına çırpması və hadisə yerindən yüksək sürətlə qaçması olub.

Los-Anceles polisinin verdiyi məlumata əsasən, polis Keyci saxlamaq istəsə də, amma o, qaçaraq qarşısına çıxan bütün yol nəqliyyat nişanlarını aşırıb.

Bununla belə, gənc oğlan uzağa gedə bilməyib. O, yüksək sürətlə idarə etdiyi avtomobildə ağaca çırpılıb. Xoşbəxtlikdən sağ qalan Vestonu polis həbs edə bilib.

İçkili halda sükan arxasında əyləşdiyinə və digər hallara görə, aktyorun oğlunu 30 min dollar dəyərində cərimələyiblər.