İlk dəfə olaraq MiQ-29 qırıcıları İrəvandakı qələbə paradına qatılacaq.

Hərb Rusiya qırıcıları ilk dəfə faşizm üzərində qələbənin 70 illiyinə həsr edilmiş paradda Ermənistanın paytaxtı İrəvan səması üzərində uçucaq.

ANS PRESS-in TASS-a istinadən verdiyi məlumata görə, təyyarələr İrəvandakı Erebuni aviabazasından havaya qalxacaq.

"İlk dəfə olaraq MiQ-29 qırıcıları döyüş sırası ilə İrəvan səması üzərindən uçacaq. Bundan başqa hərbi paradda 200 rus hərbçisi də iştirak edəcək", - deyə məlumatda qeyd olunur.

Bundan başqa İrəvandakı parada Gümrüdə yerləşən 102-ci Rusiya hərbi bazasının 800 hərbçisi və 20 texnikası cəlb olunacaq. Ermənistanda keçiriləcək qələbə paradına əsas məşqlər 5-7 mayda baş tutacaq.