İraqın paytaxtı Bağdadda ardıcıl törədilən iki partlayış nəticəsində azı 18 nəfər ölüb, 38 yaralanıb.
“Report” “RİA Novosti”yə istinadən xəbər verir ki, bunu yerli polis bildirib.
Partlayış paytaxtın mərkəzi hissəsində Əs-Sinek rayonunda alış-veriş yerlərindən birində törədilib.
Məlumata görə, əvvəlcə bir partlayış olub, oradakı adamlar qaçmağa başlayıb. Bu zaman ikinci partlayış törədilib.
Partlayışın məsuliyyətini hələlik üzərinə götürən yoxdur.
