İŞİD terror qruplaşması Yəmənin Ədən şəhərində törədilən terror aktına görə məsuliyyəti öz üzərinə götürüb. APA-nın “Sinxua” agentliyinə istinadən verdiyi xəbərə görə, qruplaşma partlayışın terrorçu-kamikadze Əbu Həşim əl-Rədfani tərəfindən törədildiyini açıqlayıb.
Terrorçu-kamikadze dekabrın 18-də Ədənin şimal-şərqində, hərbi bazada üzərindəki partlayıcı qurğunu işə salıb. İlkin olaraq, hadisə nəticəsində 49 nəfərin öldüyü, 39 nəfərin yaralandığı bildirilirdi. Yerli mənbələr terror aktı nəticəsində ölənlərin sayının 70-ə çatdığını bildirir.İŞİD Yəməndəki terrora görə məsuliyyəti öz üzərinə götürdü
