İŞİD ən vacib mərkəzlərindən birini itirdi.

Ölkə.Az xəbər verir ki, Liviyada İŞİD-in qalası sayılan Sirte ordunun əlinə keçdi. Mosul və Rakkada mühasirəyə alınan terrorçu qruplaşma Afrikadakı ən vacib mərkəzini itirdi.

Bir neçə ay davam edən mübarizədən sonra Liviyada İŞİD-in qalası sayılan Sirte geri alındı. ABŞ hərbi hava qüvvələrinin hava hücumları ilə dəstək verdiyi əməliyyatda bu gün ordu qüvvələri şəhəri nəzarətə götürüb.

Ordunun mətbuat xidmətinin katibi Rida İssa İŞİD-in Şimali İraqdakı ən vacib mərkəzinin tamamilə təmizləndiyini bildirib. Bu gün səhər saatlarında Sirtedə bir çox terrorçu təslim olub.

Sirte İraq və Suriyadan sonra İŞİD-in fəaliyyət göstərdiyi ən vacib ərazi idi. Liviyanın ordu birləşmələri yay aylarında ABŞ əsgərlərinin də iştirak etdiyi əməliyyata başlamışdı.

Qeyd edək ki, İŞİD 2015-ci ildə Sirte şəhərini işğal etmişdi.