Türkiyənin Tunceli şəhərində üzərində ASALA terror təşkilatının üzvlərinin adı olduğu abidə yox ediləcək. “Sözcü” qəzetin xəbər verir, bu barədə qərarı Tunceli valiliyi verib.

Qeyd edək ki, dünən Türkiyə mətbuatı bu abidə haqqında məlumat verib. Abidə 26 aprel 2016-cı ildə açılıb. Açılış mərasimində Yunanıstan və Fransa erməni diasporunun üzvləri iştirak ediblər. Abidə üzərində erməni terrorçular Armenak Bakırcıyan, Manuel Dəmir, Nubar Yanıkyan, Gevork Çavuş, Monte Melkonyan, Andranik Uzunyanın adları yer almışdı.

Xatırladaq ki, Moderator.az dünən Türkiyə prezidentinin baş müşaviri Yalçın Topçuya istinadən bu abidənin dərhal söküləcəyi barədə xəbər vermişdi.