Qaziler.az Ukraynanın unian.net saytına istinadən xəbər verir ki, Rusiya Avropa Şurasından çıxmaq fikrindən vaz keçib. Bunu Rusiyanın Xarici İşlər Nazirliyinin rəsmi nümayəndəsi Aleksandr Lukaşeviç Rusiya nümayəndə heyətinin AŞPA-da səs hüququndan məhrum edilməsi ilə bağlı TASS-a danışarkən bildirib:

“Əsas odur ki, Rusiya Federasiyası Almaniya, Fransa, İtaliya və Böyük Britaniya ilə birlikdə Avropa Şurasının büdcəsinə “əsas“ ödəyicilərdəndir. Daha doğrusu, onların təşkilatın ümumi büdcəsinə qoyduğu yatırım ümumi büdcənin 50%-ni təşkil edir. Bu o cümlədən böhran vəziyyətlərində təşkilatın fəaliyyətində böyük əhəmiyyət daşıyır. Rusiya AŞPA-nın komitə və digər strukturlarında fəaliyyətini davam etdirəcək”.

Xatırladaq ki, bir neçə gün əvvəl AŞPA-da Rusiya nümayəndə heyətinin səsvermə hüququ aprelə qədər alınıb.