ABŞ prezidenti seçilmiş Donlad Tramp Ağ Evdə Barak Obama ilə görüşəndə onların bir-birinə olan antipatiyası nəzərə çarpıb.

Qaziler.az BBC-ə istinadən bildirir ki, bundan əvvəl cənab Tramp prezidenti tarixin ən pis adamı adlandırıb, cənab Obama isə respublikaçı namizədin vəzifəyə yararsız olduğunu deyib.
New York otel sahibkarı, hazırda isə prezident seçilmiş Tramp dəfələrlə Havay doğumlu prezidentin doğum haqqında şəhadətnaməsini sual edib, cənab Obama isə onu açıq şəkildə lağa qoyub.
Hər iki şəxs cümə axşamı Oval Ofisdə iki saatdan çox müzakirə ediblər və media önünə çıxdıqları zaman onlar keçmişdə olanları bir kənara qoyaraq birlik və dinc keçiddən danışmağa çalışıblar.
Lakin kameralar başqa hekayədən bəhs edir.