Qərbi Gürcüstanda güclü qasırğa fəsadlar törədib.

APA-nın Gürcüstan bürosunun məlumatına görə, külək bir çox şəhər və rayonlarda onlarla ağacı kökündən çıxarıb, evlərin damını uçurub.

Daha çox Kutaisi və Batumi, habelə bu şəhərlərə yaxın rayonlara ziyan dəyib. Batumi və Kutaisidə bir neçə nəfərin üstünə ağac düşüb, nəticədə onlar müxtəlif bədən xəsarətləri alıb.

Ağacların kökündən çıxması nəticəsində onlarla avtomobil zədələnib, elektrik enerjisinin kəsilməsi üzündən isə 15 min ailə işıqsız qalıb. Hazırda elektrik enerjisi təchizatının bərpası istiqamətində işlər görülür.