Türkiyə İraq sərhədinə ordu toplmağa başalayıb. APA TV-nin Türkiyə mətbuatına istinadən xəbərinə görə, paytaxt Ankara və Çankırıdan hərəkətlənən böyük bir qoşun Şırnakın Silopi istiqamətinə doğru irəliləyir.

Ölkənin milli müdafiə naziri Fikri İşıq məlumatı təsdiqləyib və "hər şeyə hazır olmalıyıq" ifadəsini işlədib.

"Bölgədə vəziyyət ürəkaçan deyil. Bir tərəfdən Türkiyənin sərhədləri daxilində terrorizmlə mübarizə, digər tərəfdən dövlət sərhədimizin bir addımlığında baş verənlər diqqətli olmağımızı vacib edib. Atılan addımlar bununla əlaqədardır. Baş verə biləcək istənilən arzuolunmaz hərəkətə hazır olmalıyıq", - deyə o bildirib.

Fikri İşıq əlavə edib ki, Türkiyəni ilk növbədə öz təhlükəsizliyi düşündürür.

"Sərhədlərimiz daxilində gözləməyə məcbur deyilik", deyən nazir Rusiya və ABŞ-la müzakirələri də davam etdirdiklərini dilə gətirib.