Bağdadın bir neçə rayonunda törədilmiş silsilə partlayışlar nəticəsində 10 nəfər ölüb, 27 nəfər yaralanıb. “Anadolu” agentliyi xəbər verir ki, Əl-Mədayin rayonunda baş verən partlayışda 5 nəfər ölüb, 20 nəfər yaralanıb, Əl-Yusufiyyə bölgəsində 3 nəfər ölüb, 7 nəfər yaralanıb.
Daha iki nəfər Bağdadın digər ərazilərində baş verən terror aktlarının qurbanı olub.
Partlayışlara görə hələlik heç bir qruplaşma məsuliyyəti öz üzərinə götürməyib.
