İsrail hərbi-hava bazalarının birindən orbitə yeni hərbi casus peyki buraxıb.

Qaziler.az bildirir ki, APA-nın “RİA Novosti”yə istinadən verdiyi xəbərə görə, bunu yerli “İkinci kanal” telekanalı bildirib.

Telekanal Müdafiə Nazirliyinə istinadən “Ofek-11”-in ölkədə bu tipdə indiyədək istehsal olunmuş ən təkmilləşdirilmiş peyk olduğunu qeyd edib.

Məlumata görə, peyk ölkənin mərkəzi hissəsində yerləşən “Palmaxim” bazasından kosmosa buraxılıb.

Qeyd edək ki, iki həftə əvvəl ABŞ-da kosmodromda baş vermiş partlayış nəticəsində İsrailə məxsus “Amos-6” peyki tamamilə sıradan çıxıb.